Tiqran Karibyan: “Mən ədalətsiz ordunun əsgəriyəm”

(ƏSİR DÜŞMÜŞ KARİBYAN TİQRAN SEPİKOVİÇLƏ MÜSAHİBƏ)

- İndi atəşkəs dövrüdür. De görüm, necə oldu ki, əsir düşdün?

- Mən gənc əsgərəm. Xidmət etdiyim bölükdə yaşlı döyüşçülər təzə gələnlərə çox əzab verirlər. Kimi döyür, kimi gecə-gündüz paltar yuduzdurur, kimi də istirahətsiz olaraq odun doğradır. Mən bu hərəkətlərə dözmədim. Ona görə məni möhkəm döydülər. Qaçmağa məcbur oldum. Amma qatı dumana düşüb yolumu azdım və əsir düşdüm.

- Bizim əsgərlər də səni döydülərmi?

- Yox, əksinə, yemək-içmək verdilər.

- Tərcümeyi-halını söylə, görək, Ermənistanın özündənsən, yoxsa xaricdə yaşayan ermənisən?

- Ermənistandanam. 1977-ci il fevral ayının 4-də Sevan şəhərində doğulmuşam. Orta məktəbi qurtardıqdan sonra heç bir yerdə işləməmişəm. Çünki iş yeri tapa bilməmişəm. Ailəmiz 5 nəfərdən ibarətdir. Atam, anam, bir qardaşım və bir bacım var. Qardaşım Ambarsum 14 yaş, bacım Lüsine 5 yaş içərisindədir.

- Ata və anan nəcidirlər?

- Adi fəhlədirlər. Müharibə başlayandan bəri onlar da işsiz qalıblar. Ailəmiz çətinliklə dolanır.

- Haçandan bizə qarşı döyüşürsən?

- Mən hələ döyüş görməmişəm. 8 aydır ki, orduya çağırılmışam. Bunun 3 ayını təlimdə olmuşam.

- Dinc dövrdə bir nəfər azərbaycanlı ilə ünsiyyətdə olmusanmı?

- Xeyr.

- Bəs azərbaycanlı haqqında nə eşitmisən? Azərbaycan xalqına qarşı şəxsi fikrin nədir?

- Azərbaycanlılar haqqında həm yaxşı, həm də pis sözlər eşitmişəm. Lakin əsir düşdüyüm andan hiss edirəm ki, sizin xalq humanist xalqdır. Allah bizi bir-birimizə düşmən edənin evini yıxsın!

- Əgər özünü ədalətli adam hesab edirsənsə, de görək, Dağlıq Qarabağ hansı dövlətin torpağıdır?

- Mən sıravi bir adamam. Orta məktəbi də pis oxumuşam. Tarixi yaxşı öyrənməmişəm. Bircə onu dəqiq bilirəm ki, Dağlıq Qarabağı bizim ordu müharibə ilə işğal edib.

- Demək, sən ədalətsiz ordunun əsgərisən, belə deyilmi?!

- Bəli, mən ədalətsiz ordunun əsgəriyəm.

Yazıq, fağır görkəm almış erməni hərbi əsirini ittihamedici nəzərlərlə başdan-ayağa süzürəm. Allah bilir, bu yazıq sifətin arxasında hansı xain, namərd niyyətlər gizlənir. Varlığına şeytan girmiş bu daşnak balası, həqiqətən, özünü məzlum, həm də ədalətsiz hesab edirsə, döyüş libasını geyib hansı məqsədlə torpağımıza soxulubdu? Yoxsa günahlarına görə bizdən üzr istəməyə gəlibdi?! Yox, bu fikir də ağlabatan deyil. Xainlik, satqınlıq, hiyləgərlik, baiskarlıq daşnakların qanında, canındadır.  Bu gün təsadüfən yaxalanıb əsir düşməsəydi, bəlkə də, sabah və yaxud sonralar bizə güllə atanlar sırasında “milli qəhrəman” kimi durardı. Əl-üzünə, pal-paltarına baxıram. Ehtimal ki, canında 2-3 ayın kiri-pası var. Bədəni bit-birə ilə doludur. İsti gödəkçəsi üç yerdən yamaqlanıb. Çəkməsi yırtıqdır. Soruşan gərək, ay erməni “milli qəhrəmanları”, haçana kimi bu dilənçi kökündə haramzadalıq edəcəksiniz?!

                                                                                      Müsahibəni aldı:

İbrahim MƏSİMOĞLU

11 mart 1996-cı il