“GÜLLƏM HƏDƏFƏ DƏYMƏLİDİR”

1992-ci ilin oktyabrında Laçının Sus kəndi uğrunda döyüş planı tutulanda kəşfiyyatın son məlumatı alındı. Başbilən tabor komandiri Qorxmaz Qarayev zabitlərə qəti sözünü söylədi:

- Son məlumat inandırıcıdır. Düşmən kəndin içərisində mövqe seçib. Hücum zamanı onlar yalnız iki yoldan çıxıb qaça bilərlər. Həmin yolları arxadan kəsməliyik.

- Biz də inanırıq son məlumata, - deyə zabitlər razı olduqlarını bildirdilər.

- Arxadan keçən kəndin iki yolunu 17 nəfərə tapşıraq. Bir təzə diribaş əsgərimiz var. Gəray Həsənovu deyirəm. Bu əməliyyata o da getsə, yaxşı olar.

Axşam saat 23.00 radələrində Laçın polisinin bələdçiliyi ilə Gəraygil Sus kəndinin arxasına doğru tərpəndilər. Yol meşənin içərisindən keçirdi. Payızın orta ayı olsa da, ağaclar yarpaqlarını tam tökməmişdi. Ətrafa çökən qatı duman döyüşçüləri həyəcanlandırırdı. Çünki onlar bir-birini yalnız səslə tanıyır və zahirən özlərini danışıqsız ayırd edə bilmirdilər. Digər tərəfdən, dumanın qatılığı düşmənin müşahidə qabiliyyətini zəiflədirdi.

Dəstəyə gəncəli gizir Elşən Abbasov rəhbərlik edirdi. Təcrübəli komandir sıldırımlı qayalıqdan yol salmağı üstün tutdu.

- Düşmən səngərinin ara məsafələri minalıdır.

Əsgər Gəray Həsənov düşmənin 200 metrliyində hazır durmuşdu. Döyüşçülərinin bir-bir düşmən arxasına keçməsini gözləyirdi. Təxminən gecə saat 2 tamamda igidlərimiz Sus kəndindən Laçına gedən yolları nəzarət altına aldılar.

Gəray iri bir xəndəkdə mövqe seçmişdi. Qabaqdan onu görmək, hədəfə almaq mümkün deyildi. Arxadan – düz yolun ortasından isə onun mövqeyi aydın gözə çarpırdı. Lakin arxayın nəfəs alırdı. Bilirdi ki, teleqüllədən gələn əlavə hərbi qüvvələrimiz güclü həmlə ilə arxamıza keçməlidirlər.

Səhər saat 7.15 dəqiqədə igid komandir Qorxmaz Qarayev hava telefonu ilə əməliyyatın başlanması barədə əmr verdi. Artilleriya hazırlığı az çəkdi. Qorxubilməz əsgərlərimiz ancaq irəli gedirdilər. Erməni faşistləri döyüşə-döyüşə geri çəkiləndə Gəraygilin pusqusuna düşdülər. Masallı igidi Elşən Eyvazov düşmənin bir PDM-ni qumbara ilə sıradan çıxartdı. Canlı qüvvə sarıdan xeyli itki verən və basıldığını hiss edən erməni piyadaları meşəliyə dağıldılar. Bu vaxt Gəray Həsənov başını azacıq yuxarı qaldırıb irəli baxdı:

- Vallah, bu, sürünən dığaya oxşayır...

Dığa sürünə-sürünə Gərayın 10 metrliyinə qədər çatdı. Lakin hələ bizimkiləri görə bilmirdi.

Gəray yanında mövqe tutan göyçəli Mehbalı Zeynalabdiyevə və ağbabalı Sərxan Hüseynova üz tutub vəziyyəti anlatdı:

- Dığa öz ayağı ilə tələyə düşüb. Siz məni qoruyun, mən onun arxasına keçirəm.

- Gəray, müqavimət göstərsə, dığanı gülləyə basacağam ha! – deyə Mehbalı cəbhədaşını diqqətli olmağa çağırdı.

Gəray ehmalca dığanın arxa tərəfinə süründü. Başını qaldıra bilmirdi. Hər iki istiqamətdən güllələr sürətlə süzüb keçirdi. Gəray dığaya yaxınlaşıb cəld dikələrək onun üstünə atıldı və silahını əlindən alıb çığırdı: “Təslim ol!”.

Sanki dığa bunu çoxdan gözləyirmiş. Dinməz-söyləməz Gəraya çönüb baxdı. Ayağa durub əllərini yuxarı qaldıranda Gəray onu vurub yerə yıxdı:

- Yerə əyil, ay donuz balası, yoxsa gəbərərsən. Görmürsən ki, başımızın üstündən güllələr süzür.

Gəray tutduğu əsiri sürüyə-sürüyə xəndəyə saldı. Məlum oldu ki, Göyçə ermənisidir. Adı Aşot, soyadı Arturyandır. 30 yaşı var. 5 dəqiqədən sonra atəş səsləri kəsildi. Qərargahdan xəbər alındı ki, Sus kəndi düşməndən təmizlənib. Gəray hərbi əsiri aparıb tabor komandirinə təhvil verdi. Onun bu cəsur hərəkəti ilə əlaqədar olaraq ailəsinə təşəkkür məktubu göndərildi.

Qorxmaz əsgər Gəray Həsənovun qəlbi 1988-ci ildən üzü bəri yaralanmaqdadır. Ağbaba mahalının Güllücə kəndində erməni faşistləri tərəfindən onun ailəsinin, özünün başına açılan müsibətlər döyüş anlarında sanki təzələnir. Namus, qeyrət təəssübü çəkən bu igidimizin qibtə ediləsi ən mühüm mənəvi keyfiyyəti qorxmazlığıdır. Gəray düşməndən ona görə qorxmur ki, onu dərindən tanıyır. Bilir ki, erməni xain və hiyləgərdir. Eyni zamanda yaxşılıq, mərdlik qanan deyil. Bu qarnıqurdlu millət öz qanını axıtdıqca sakitləşir. Demək, yeganə nicat yolu düşməni öz qan gölündə boğmaqdır. Gəray Həsənov döyüşçü qardaşı Şirazla da müharibə mövzusunda danışanda erməni mənəviyyatı, daşnak xisləti haqqında yekdil fikrə dayaqlanır və nankor qonşuya birgə lənət oxuyurlar.

22 yaşlı baş çavuş Gəray Feyzulla oğlu Həsənov Azərbaycan Silahlı Qüvvələrində hərbi xidmətə 1992-ci ildən başlayıb. “Mənim hər bir gülləm hədəfə dəyməlidir”, - deyə öz sərrast atış qabiliyyətinə güvənən və hər gülləsinin qiymətini bilən Gəray Həsənov ordumuzun nümunəvi igidlərindəndir. Qamışlı döyüşündə qumbaraatan silahla düşmənin bir ədəd “UAZ”, bir ədəd “Niva” maşınını partladıb – sərrast atışla 8 nəfər yüksək rütbəli erməni faşistini cəhənnəmə göndərib. Kəlbəcərdə gedən uğurlu hərbi əməliyyatlara görə Gərayın qəhrəmanlığı yüksək qiymətləndirilib. Respublika prezidentinin fərmanı ilə baş çavuş Gəray Həsənova “Azərbaycan Bayrağı” ordeni verilib.

4 avqust 1995-ci il

P.S. Qabiliyyət başqalarının vura bilmədiyi hədəfi vuran nişançı kimidir. Gəray bizim qalibiyyət rəmzlərimizdən biridir. Biz həmişə belə mərd döyüşçülərimizlə şərəf duyuruq!... 

                                                                                                         İbrahim MƏSİMOĞLU