BAYRAĞA SİPƏR İGİDLƏR

             

                                                                                                                              

Üç rəngli bayrağımızı hifz edərək səngərdə qəhrəmancasına şəhid olan Akif Hüseynova və Mobil Qarsalan oğluna ithaf edirəm.

Yanşaq dil açdı, hay saldı, səsi ərşə dirəndi,

Onu qamarlayan düşmən düşdü qorxu izinə.

Şaxta vurmuş qaya-səngər oldu bizə havadar,

Qaraldı qanı dığanın, qəlpə dəydi dizinə.

Həmləni sərt əngəlləyən, atəşdən uzaq qalan

İki yağı ön postunu Haçaqaya səmtində,

Murdar qanına bələyib dağıtmaq əmri alan

Mobil-Akif cütlüyü də sıçradı öz dəmində.

Mobil tabor bayraqdarı, Akif ölməz bir hünər,

Şir ürəkli qəhrəmanlar özlərinə güvənər!

Əldə bayraq tutan Mobil düşmənə od ələdi,

Mindi qəfil yel atına polad qalxan igidlər.

Mobilin bayraq eşqindən Susuzluq gəldi cana,

Meydançayın göz yaşları, bəlkə, indi dayana.

Doğma səslər, hənirtilər sevindirdi torpağı

Düşmən bağrı tən yarıldı, leş töküldü hər yana!

Qarlı səngər, isti yara, ümidsizlik soyuğu,

Daşnak üz tutdu qaçmağa, kəsildi dal quyruğu.

Pis yelləndi qara külək, meyitlər səpələndi

Deşdi dığa gözlərini Mobil-Akif yumruğu.

Birdən namərd tərs bir güllə yaxaladı Mobili,

Akif qaldı yalnız tənha, artdı həyəcan seli.

Qucaqlayaraq bayrağı çıxartdı qumbaranı,

Qızdı qəzəb-kin atəşi, coşdu hünər təməli.

El namusu çəkən igid qorxu bilməz ölümdən,

Bayraq mənlik timsalıdır, Akif qaçarmı gendən.

Qumbara son ümid kimi gəbərtdi üç dığanı

Akifə tuş gələn ölüm boğazlandı yenidən.

Şəhid ruhlar çəkdi keşik, öldü dığa inamı,

Bayrağı dalğalandırdı ordumun ehtiramı,

Bar verdi Mobilin andı, Akifin etibarı,

Düşmən qan, təlaş içində tərk etdi Yanşağımı!

O üç rəngli bayrağımız and yeridir bizlərə,

Bayraq ar, qeyrət rəmzidir, vermərik yad əllərə,

Əsla ləkə götürmərik, təhqirə heç dözmərik,

Alqış, bayrağı şərəflə hifz edən əsgərlərə!

                                     İbrahim MƏSİMOĞLU