İNTİQAM İNTİQAMA SƏSLƏYİR

     

Cəsur döyüş komandirim İntiqam Mirzəyevə ithaf edirəm

 İntiqam ordumuzun bir məğrur komissarı,

Qisməti üstün olmaq, yoxdur onun uyarı,

Hərbi səmtdən baxımı seçər düzgün qərarı,

İntiqam intiqama səsləyir ordumuzu!

Hər əməli başında yurd sevgisi bir hakim,

 O, torpağı öpərkən vəcdə gəlir ürəyim,

O, diri bir şəhiddir, nəyə gərək mütərcim?!

İntiqam intiqama səsləyir ordumuzu! 

Kəlbəcər savaşında qoşunun ruh dayağı,

 Bağırlı dağ döyüşü İntiqamın od çağı,

 Əridi qorxusundan düşmənin ürək yağı,

İntiqam intiqama səsləyir ordumuzu!

 Ömər dağ basqısında İntiqam söz xəncəri,

 Yağı boynunu əydi onun aslan hünəri,

Uğurlu xidmətinin saya gəlmir günləri,

 İntiqam intiqama səsləyir ordumuzu!

 Yayıldı hissə-hissə şad döyüş vərəqəsi,

Dillərdə əzbərləndi nikbin ruhlu kəlməsi,

Sözlə yıxdı düşməni, heyran etdi hər kəsi,

İntiqam intiqama səsləyir ordumuzu!

 Onun odlu vicdanı dönə-dönə deyinir,

Beynində dayanmadan amansız döyüş gedir,

 Onun dərdinə dərman ordu qələbəsidir,

 İntiqam intiqama səsləyir ordumuzu!

                   İbrahim MƏSİMOĞLU