ACLIQ DÖZÜMÜ

                        

Qışın ağır oğlan cağı Murov yolu qarlandı,

Qar qalxdı qurşaq boyu, ərzaq yolu bağlandı,

Tanklar qara pərçimləndi, ümid yeri daşlandı,

Mətin birinci briqadam, ac olsa da vuruşdu.

İgidlər boğdu ölümü, həm də aclıq hissini,

Kəsdi daşnak kələyini, qorunma çarəsini,

Azad etdi on üç kəndi, boşaltdı öz hirsini,

Mətin birinci briqadam, ac olsa da vuruşdu

Şaxtalı qar    bağlantısı bizi sınağa çəkdi

Ordu azadlıq eşqiylə özünə toxtaq verdi

Nə qurumsaq dığalara , nə aclığa baş əydi          

Mətin birinci briqadam , ac olsa da vuruşdu  

                                                                                                                                        Üç  gün asta uzandı qoşun  ərzaq qıtlığı,

Basılan düşmən qüvvəsi duymadı bu aclığı,

Ruhumuza qida verdi azad vətən torpağı,

Mətin birinci briqadam, ac olsa da vuruşdu.

Yeni bir silah qazandıq- bu da aclıq dözümü,

Yaşa ordumun  əsğəri,   sən doğrultdun özünü,

Sıramıza ilk gələn gənc,   unutma bu sözümü,

Mətin birinci briqadam ,  ac olsa da vuruşdu.

  

                           İbrahim   MƏSİMOĞLU