GÖZÜN AYDIN MƏNİM XALQIM, ŞUŞAMIZ ƏSİRLİKDƏN ÇIXDI!

 

                    

          Gözün aydın mənim xalqım, Şuşamız əsirlikdən çıxdı! Murdar erməni nəfəsindən boğulan ulu yurdumuz sanki yenidən doğuldu. Ermənistanı əlaltından yemləyən bəzi beynəlxaq qurumların biganə münasibəti, habelə geniş miqyaslı daşnak iftiraları əhatəsində qalan Şuşamız heç bir halda erməniləşdirilmədi. Əsl tarix necə vardısa, olduğu kimi qaldı. Daşnak cəfəngiyyatına elə tutarlı nöqtə qoyduq ki, daha onların süni fəryadnamələrinə dünyada heç kim inanmasın.

         Şanlı Azərbaycan əsgəri tərəfindən 27 il yorucu xiffətimizə xitam verildi. Mədəniyyət beşiyimiz öz sahibinə qovuşdu, qəhrəman igidlərimizin qələbə atəşləri altında öz milli ruhunu bərpa etdi. Söz yox ki, füsunkar gözəlliyi, əsrarəngiz təbiəti ilə ulu yurdumuzun digər bölgələrindən ayrılmayan Şuşamız tezliklə öz doğma ana lay-layını eşitmək istəyir. Sıldırımlı dağlarımızın qulağı səsdədir: Qarabağ şikəstəsi onların hirsinə birdəfəlik son qoyacaq. Möhtəşəm Şuşa yüksəkliklərində üçrəngli Dövlət Bayrağımız dalğalanmağa başladığı anlardan etibarən qəm yükümüz daha çox boşaldıqca qəfil həmlələrimizin xeyirli nəticələri artır, düşmən bağrında sağalmaz yara açan PUA-larımız səma vuruşunda öncüllüyü əldən vermir.  

          Çox qürurverici haldır. Noyabrın 8-də Şuşanın işğaldan azad edilməsi barədə möhtərəm Ali Baş Komandanımızın xəbər verdiyi andan varlığım şadyana bir təlatümə qərq olmaqla yanaşı hədsiz kövrəldim. Ömrümdə heç vaxt bu qədər sevinc göz yaşı axıtmamışdım. Müzəffər ordumuzun uğurlu döyüşlərindən coşan milli şərəf hisslərimiz yaman kükrəməyə başlayıb. İşğalçı erməni qüvvələri qədim dədə-baba yurdumuzda törətdiyi qeyri-bəşəri rüsvayçılığının, milli-tarixi abidələrimizə qarşı murdar və dağıdıcı əməllərinin ləzzətini itirdilər. İndi Ermənistan şok içində çabalayır. Bəlkə də, ölkənin fərsiz hərbi-siyasi rəhbərliyi xəcalət çəkməyə başlayıb. Əslində inana bilmirəm: xəcalət çəkmək də o vandallara yad bir hissdir.

        Namuskeş və fədakar ordumuz düşmənə öz modern silahlarının dili ilə təkcə hərbi deyil, həm də mənəvi dərs verir. Mərdanə hərbi-taktiki priyomlarla başa saldı ki, Şuşa öz qoynunu yalnız mərd döyüşçülərə açar. Onun  yenilməz tarixi var. Heç vaxt Şuşa torpağı ermənilik üçün münasib məskən ola bilməz. Öz döyüşçü meyitini ayaq altında qoyan, əsgərini səngərdə ayağından zəncirləyən, qoca analarını bilərəkdən əsir kimi ələ verən, matışka qızlarını hiylə məqsədilə ön xəttə çıxaran, bəşəriyyətin min illər boyu yaşatdığı savaş qanunlarının ədalətli tələblərini pozmaqdan zərrə qədər də utanmayan, körpə uşaqlarını atəş altına salmaqdan çəkinməyən, “qonşuluq məsuliyyəti” deyilən bəşəri dəyərləri qəddarcasına ayaqlayan içalatsız bir topluma Şuşa kimi möhtəşəm bir yurd yaraşarmı?!   

        Həqiqətən ordu anlayışına görə peşəkar hərbçi ağlı və düşüncəsi bir taktiki nəzəriyyədir. Adətən vətəncanlı əsgərlər bar verən nəzəriyyəni sevirlər. Söz həmləsi səngər həmləsinə dönmürsə, nə mənası?! Yetkin nəzəri baxışların əmələ çevrilməsində isə cəsarət və qətiyyət bir qalibiyyət açarıdır. Ordu komandanlığımızın yüksək idrakı ilə müşayiət olunan döyüşçü cəsarəti öz sözünü mərdanə səsləndirdi. Ali Baş Komandanımız cənab İlham Əliyevin yetkin siyasi zəkası, heyrətamiz diplomatik ustalığı və qətiyyəti isə yurdsevər Azərbaycan əsgərinə sınmaz qol-qanad verdi. 

    Bizim Prezidentimiz Azərbaycan xalqının qalib komandiridir. Diplomatik fəaliyyətində “böyük güclərin” dabanını yalayan Nikol Paşinyan isə səfeh ömür sürən erməni toplumunun üzqarasıdır. Cəsur İlham Əliyev öz müdrik rəhbərliyi altında milli zəfər tariximizi ucaltdı, 27 il həbsə düçar olsa da, hay kölgəsində günəş üzünə gülə bilməyən xarı bülbülü bizlərə qoxulatdırdı. Simasız dilənçi kimi kimə gəldi əl açan Nikol Paşinyan isə öz xalqını qan içində boğdu, sülh təklifimizə arxa çevirərək iyrənc əməlləri ilə faşist sevdasından usanmadı. Nəticəsi nə oldu? Nikol həm də öz xalqının qarğışına hədəf oldu. Qondarma ölkə siyasətini guya sıfırdan başlamağa cəhd edən başıboş erməni siyasi lideri elə sıfır həddində qaldı. Sülh danışıqlarını sıfırlaşdırdı və “Dağlıq Qarabağın müharibə ilə həll yolu yoxdur” deyən ermənipərəst dünya siyasətçilərinə dəstək verdi. Biz isə müharibə reallığını beynəlxalq hüquq biçimində dünyaya sübutlandırdıq və savaş uğurlarımızı artıraraq qəfəsə salınmış Şuşamızı da ağ günlərə çıxardıq və bəyan etdik ki, ulu Qarabağımızın baş tacı olan Şuşamız heç vaxt daşnak qəfəsində ölümə can verməz.

        Mətin ordumuz sentyabın 27-dən başlayaraq yalnız uğurlarla davam etdirdiyi 2-ci Dağlıq Qarabağ savaşında ən böyük qələbəmizi tarixə yazdı. İşğal bölgəsində keçirdiyimiz hərbi əməliyyatlarda Cəbrayıl, Füzuli, Zəngilan, Qubadlı şəhərləri, həmin rayonların, eləcə də Xocavənd, Xocalı rayonlarının və keçmiş Ağdərə rayonunun cəmi 238-dən çox kəndi və bir neçə qəsəbəsi, Kəlbəcər istiqamətində bəzi məntəqələr azad olunub. Savaş meydanında səksəkəli bir halda qaçışan, beton istehkamların içərisində diz titrəməsini kəsə bilməyən dığalar bu günəcən düşündüklərinin mənasız yuxu olduğunu qansalar da, yenə daşnak məkri tükənmir, erməni bicliyi hər hansı dəsdəyi almağa macal tapmır. Yenə mülki əhalimizi ianə hesabına əldə etdiyi raketlər atəşinə tutur. Qəhrəmanlıqda yox, namərdlikdə ad qazanır. İnsanlıqda yox, vəhşilikdə şöhrət tapır.  Dünya hərb tarixinə yeni və çox təkrarsız döyüş taktikası salan Azərbaycan Ordusu isə öc almağı əsla heç vaxt unutmayan qədim oğuz babalarımızın məğrur döyüşçü ənənələrini layiqincə davam etdirir, doğma yurdlarımız uğrunda gedən döyüşlərdə faşist əməllərindən doymayan düşmən qüvvələrini qan içində boğur.

        İnşallah, daha bizlərə 27 il yana-yana çəkdiyimiz pisikmə güzəranı qismət olan deyil. Müstəqil dövlətimizin səngərdə doğulan ordusunun qalib əsgər estafeti davamlı bir axarla torpaqlarımızın azad yaşantısını təmin edəcək. Yenilməz ordumuz var ikən biz süfrə başında qəm yemərik. Olan oldu, keçən keçdi. Daha birliyimizi, diriliyimizi pozmaq istəyən düşmən qüvvələrinə fürsət vermərik! Hər gün qalib ordumuzun yeni cəsur fidanları kök atır. Döyüş cəbhəsində bir gündə beşimiz şəhid olursa, o günün sabahında beş minimiz doğulur. Qoy xain düşmən daha səhv etməsin, bilsin ki, ana yurdumuz satqın qayəli yad nəfəsləri sevmir, bizim haqqımızı çeynəyən rəzil haylar həmişə olduğu kimi bu gün də ana torpağımız tərəfindən tez gömdürülür və dəyəri olmayan əşya kimi izsiz bir şeyə çevrilir.

         Sözüm erməni fitnəsi içində ayaqda qalan və yalan ermənizm siyasətinə dəstək verməkdən bezməyən dünya siyasətçilərinədir. Daha yetər! Öz xeyriniz üçün tarixi həqiqətləri danmayın. Çeynəyə bilmədiyiniz tikəni bir də ağzınıza soxmayın. Haqq yoluna çıxın və bizim ədalətli savaşımıza  qoşulun. Dini ədavətə, kin-küdurətə yol verməyin. Dünya siyasətində obyektiv rol oynayan Azərbaycan həmişə haqqın tərəfindədir. Məqsədimiz azad məkanımızda dinc yaşamaq və könüllərə məhəbbət toxumu əkməkdir. Unutmayın ki, biz haqsıza baş əyən deyilik. Ədalətsiz savaşa ədalətli savaş verməyi bacarırıq. Ona görə də uca Allah kəfənə qarşı biləyinizə daim qüvvət verir. İnşallah, qisasımız qiyamətə qalmayacaq. Tezliklə erməni işğalçıları üzərində tam və qəti qələbə bizimlə olacaq!

                                                                                              İbrahim MƏSİMOĞLU

                                            müharibə veteranı, ehtiyatda olan polkovnik-leytenant