ERMƏNİSTAN QURU YARPAQ KİMİ ƏSİR

 

                                                            

                         

       Erməni etirafı, amma çox rəzalətli bir etiraf! Biz yaxşı bilirdik: dili kimi sözü də əyri olan erməni nakəslər savaş olmadan düzələsi deyildi. Axı, tarixən ulu babalarımız görmüşlər ki, xəyanətinə görə qanına qəltan olmazsa, xain hayların dinc zamanda fitnəli harayında məna axtarmağa, bu və ya digər yağlı vədlərinə bel bağlamağa, onlardan insaf, mürüffət gözləməyə dəyməz. Hər halda biz xeyli müddət Dağlıq Qarabağın işğalına dözə-dözə “sülh” dedik, rəhmdillik göstərdik, onlar isə “dava” deyib bizə göz ağartdılar. Hətta sülhpərvərliyimizə lağ etdilər. Axır ki, silahlarımıza söz verdik və uzun sürən acı həsrətə nöqtə qoyduq.

         Ən mühüm olan fakt odur ki, siçovullaşan erməni ordusunun nər ordumuz qarşısında zəif olduğunu boyunlarına aldılar. Müharibəni daha tez başa çatdıra bilərdik. Zənn etdik ki, əzəmətli gücümüzə, sarsılmaz qüvvəmizə bələd olandan sonra susar və sülhə razılaşarlar. Amma cəmi 44 gün onların başını öz murdar qan gölünə yaxşıca basıb çıxartdıq ki, qan içməkdən doyub bir daha namərdlik etməsinlər. Böyüyündən tutmuş kiçiyinədək hamısı sərrast və dağıdıcı zərbələrimiz qarşısında hədsiz vahimə yaşadıqlarını açıq söylədilər. Öz əsgərlərinə xəyanət etdiklərini də gizlətmədilər. Ən nəhayət, təslim olduqlarını rəsmən təsdiqlədilər.

       Doğrudan da, igidlik ondursa, onun biri qüvvət, doqquzu fənddir. Bir fəndimiz Azərbaycana dəymiş maddi ziyanlara görə qəddarlıqdan zövq alan Ermənistana qarşı təzminat iddiamızla bağlıdır. Bu istiqamətdə məhkəmə prosesinin hazırlanması barədə hələ geniş miqyaslı peşəkar iş gedir. Ermənistanın bizə təxminən 50 milyard təzminat ödəyəcəyi barədə xəbər onları yamanca dərdə salıb. Həm də qəzəb hissi ilə etiraf ediblər ki,  Ermənistanın səfeh baş naziri 10 noyabr tarixli sülh razılaşmasını imzalayaraq, Ermənistanın sözügedən öhdəlik subyekti olduğunu təsdiqləmiş və bunun nəticəsində Dağlıq Qarabağla yanaşı ətraf yeddi rayonda dəymiş ziyana görə birbaşa öhdəliyi öz üzərinə götürdüyünə görə təzminat iddiası daha da gücləndirilmişdir. Məlum həqiqətdir, bu təzminatı verməyə ələbaxımlı Ermənistan lazımi güc tapası deyil. Vaxt vardı ki, bir isti qucaqdan düşüb digər təminatlı isti qucağa girirdilər. İndi namərd əməlləri onları yetim bir duruma salıb. Hər addımda bir xəyanət etməsi ucbatından daha özünə etibarlı yiyə tapa bilmirlər.

       Onun-bunun şapalağı altında təhqir edilən haylar müzəffər ordumuzun şanlı qələbəsindən sonra öz-özlərini şapalağa tutur, bir-birini döyür, satqın adlandırır, milli xainliyin acısını qan qusa-qusa dadırlar. Sülh razılaşmasını inkar edənlər İrəvan küçələrində əllərinə keçən dövlət məmurlarını daş-qalaq edirlər. Hətta Ermənistan parlamentinin sədri Ararat Mirzoyan etirazçılar tərəfindən ölümcül yaralanıb. İndi onların hər biri bir ölü candır. Səsləri var, amma mənlikləri yoxdur. Ölüm ayağında yenə də tərslik edirlər. Qanmırlar ki, xəyanətlə ələ keçirilən Dağlıq Qarabağ onlara cəhənnəm əzabı bəxş etdi. Nə qədər yalan danışmaq, saxta tarix uydurmaq olar? Başa düşə bilmirlər ki, biz halallıq vermədən bu ulu yurdumuzda bir erməni də rahat nəfəs ala bilməz!

      Qondarma rejimin hərbi-siyasi rəhbərliyinin toplantısında bədnam “Müdafiə Ordusu”nun komandiri Mikael Arzumanyanın acıqlı şapalağını yeyən Dağlıq Qarabağ seperatçılarının lideri Araik Arutyunyanın biabırçı bir etirafını sitat gətirmək yerinə düşər: “Bu gün xain, satqın axtarışında olan o siyasətçilər qoy öz övladlarının, qohum-əqrəbalarının iştirakına dair məlumat versinlər. Camaatı aldatmaq üçün selfi çəkirdilər, guya cəbhədədirlər, əslində isə tamam başqa yerdə olublar.  18-20 yaşlı əsgərlərimizə hamımız xəyanət etdik. Hər gün yüzlərlə itki verirdik. Bəs əvəzində kim gəlirdi? Vaxtında kömək ala bilmədiyimiz üçün yeni gələnlər döyüşə getməkdən boyun qaçırırdılar. Son gün isə Stepanakertin (Xankəndinin) kənarlarında cəmi 100-200 döyüşçümüz vardı”.

       Faşist seperatçı rejimin bütün liderləri kimi Araik Arutyunyanın da, baş nazir Nikol Paşinyanın da, müdafiə naziri David Tonoyanın da əbləhliyini biz yaxşı bilirdik. Ədalətsiz savaşın məğlubiyyət sonluğunu onlara qabaqcadan bəyan etmişdik. Amma eşitmək istəmir, dili boğaza qoymurdular. Hər siyasi çıxışlarında vurğulayırdılar ki, bizdən çox güclüdürlər. Hərbi əməliyyatların gedişində yalnız feyk xəbərlər istehsal edirdilər. Bu gün bütün Ermənistan quru yarpaq kimi əsir. Şanlı Azərbaycanımız isə qələbə təntənəsi içərisində şadlıq məclisləri qurur.    

        Qürurla qeyd etməliyik ki, hərbi uğurumuzu bütün dünya dəstəkləyir. Hərtərəfli təhlil aparılır, haqlı mövqeyimiz müdafiə olunur. Rusiyalı hərbi ekspert, “Milli Müdafiə” jurnalının baş redaktoru İqor Korotçenkonun real tərəfsizliyi, başqa sözlə desək, haqqsevərliyi  bizi çox məmnun edir. O, əsl insan oğludur. Bu günlərdə İqor Korotçenko ildırım sürətli Qarabağ savaşımızın qələbə sirlərini açıqlamış və aparılan döyüşlərə çox obyektiv qiymət vermişdir. Qələbəmizin cəmi doqquz sirrlə gerçəkləşdiyini sübut edən rusiyalı hərbi ekspertə ürəkdən “sağ ol” deyirik. Həmin sirrləri sadalamaq istəyirəm: 1. Güclü və iradəli prezident, Ali Baş Komandan İlham Əliyev; 2. Səmərəli hazırlanmış, texniki cəhətdən təchiz olunmuş müasir ordu; 3. Azərbaycan əsgər və zabitlərinin ruh yüksəkliyi; 4. Müharibənin ədalətli xarakteri – işğal olunmuş ərazilərin azad edilməsi; 5. Ağıllı hərbi planlama, döyüş əməliyyatlarının dəqiq hazırlanması; 6. Ordu və xalq birliyi; 7. İnkişaf etmiş hərbi-sənaye kompleksi; 8. Güclü və şaxələndirilmiş iqtisadiyyat; 9. Ölkə üçün optimal siyasi hakimiyyət sistemi. Həqiqətən çox obyektiv yanaşmadır.

       Erməni liderləri bir acı etiraf da etdilər. Göz yaşı tökə-tökə rəsmən bəyan etdilər ki, Şuşanın azad edilməsindən sonra Xankəndi ilə bahəm 25 min erməni əsgəri mühasirəyə düşmüşdü. Xankəndi tutulan kimi Əsgəran və Ağdərə də öz-özünə boşalacaqdı.  Çünki bu şəhər və rayonlarda siçovul yuvasına bənzər müdafiə istehkamları qurulmamışdı. Həm də Azərbaycan Ordusunun dəmir yumruğu altında dura biləcək erməni qüvvələri yox idi. Lakin biz sülhü üstün tutduq ki, qarşımızda duranlar zəruri insan içalatına malik olmasalar da, insanlıq əməlimizi qoy bütün dünya bilsin. Biz istisna hal kimi zalıma rəhm etdik. Bəs, zalım bu mərhəmətli hərəkətimizə nə cür reaksiya verdi. Həyasızcasına car çəkdilər ki, biz onlara zülm etmişik, hətta  imzalanan sülh sənədi “Dağlıq Qarabağ”ın həlli ilə bağlı son sənəd deyil. Belə insanlıq olarmı?!

      Haram olsun sizə verdiyimiz sülh güzəştləri! Əslində bir quru salama da layiq deyilsiniz! Qəddarlıqdan bu qədər həzz almaq sizləri haçan iyrəndirəcək?! İmzaladığı öhdəliyə əsasən dincliklə Kəlbəcərdən köç edən ermənilər biz tikən, biz quran evləri, dükanları yandırır, elektrik qurğularını dağıdır, hətta çox utandırıcı bir tərzdə məişət, təsərrüfat əşyalarının daşınmasında “unitaz eşqi” sərgiləyirlər. Yaxşı ki, bu murdar erməni əməllərini uzun müddət onları qucaqlarında bəslədikləri bəzi “milli qüvvələr” görür və ittiham edirlər. Danlayırlar ki,  azacıq da olsa sülh güzəştini dərk etsinlər. Azərbaycan qarşısında yalnız baş əysinlər,  bir daha ədalətli qonşuya qarşı çıxmasınlar.

       Söhbət Kəlbəcərdən düşdüyü bir məqamda müharibə veteranı kimi keçmiş bir döyüş xatirəsini xatırlamaq istəyirəm. 1993-94-cü illərdə apardığımız uğurlu ikinci Kəlbəcər hərbi əməliyyatında erməni vandalizminin çox üzünün canlı şahidi olmuşam. Azad etdiyimiz 12 kəndə salamat ev qalmamışdı. Qəbir daşlarımızadək hər şey çiliklənmişdi. Meşələrimiz qırılmış, təbiətimizə divan edilmişdi. Nədəndirsə, bircə tövlələrə əl dəyilməmişdi. O zaman zalım şübhələr içimizi çox didirdi. Sözün düzü, igidlikdə bizə tay ola bilməzdilər. Lakin super güclərin davamlı və arxalı təminatı ermənini yaman qudurtmuşdu. Üstəlik erməni kəşfiyyatı ilə müqayisədə geri qalırdıq. Nə edirdiksə, düşmən qabacadan xəbər tuturdu. Bir dəfə Yanşak kəndində yerləşən qərargahımızda briqada komandirimiz mayor Saleh İlyasov zəng çalan telefonu qaldıranda nə eşitsə yaxşıdır. Rabitə tezliyini gizli yolla əldə edən düşmən bizə ultimatum verirdi. Zəng edən separatçı rejimin rabitə qoşunlarının komandanı Qriqoryan idi. O, uca bir səslə deyirdi ki, Kəlbəcəri tərk etməkdən ötrü bizə 3 gün vaxt verir, əgər dincliklə çıxmasaq, tamam darmadağın ediləcəyik. Briqada komandiri vəzifəsinə təzəcə təyin edilən Saleh İlyasov düşmənin qəfil zəngindən şoka düşdüyünə görə cavab verə bilməyəndə bəyan edilən ultimatumdan tez hali olan şəxsi heyət üzrə komandir müavini mayor İntiqam Mirzəyev telefon dəstəyini tez əlinə aldı və elə sərt cavab verdi ki, düşmən rabitə əlaqəsini birdən kəsdi.  Həqiqətən tutarlı cavab verməyə əlimizdə əsasımız vardı, Kəlbəcəri tam azad etməyə hünərimiz kifayət edirdi. Strateji Zod yoluna kimi mühüm yolları ələ keçirmişdik. Rayon mərkəzinə çatmağa çox az məsafə  qalırdı. Qorxu hissini boğa bilməyən ermənilər könüllü əsir düşürdülər. Dağ yolları erməni cəsədləri ilə yerlə yeksan edilmişdi. Di gəl ki, ilin sərt qış fəsli sıldırımlı Murovdag aşırımlarında təminat prosesində ordumuza çətinliklər yaşadırdı. Üç gün Ömər aşırımı qarla tamam örtülmüşdü. Döyüşçü süfrəmizdə yalnız quru çörək qalmışdı. Ac olsaq da vuruşduq. Döyüşçülərimiz doğma yurdlarımızın azadlıq eşqi ilə özlərinə toxtaqlıq verdilər. Nə qurumsaq dığalara, nə də aclığa baş əydik. Təəssüflər olsun ki, basılan düşmən qüvvələri üç günlük aclığımızı duya bilməsələr də, mövcud cəbhə çətinliklərini hərtərəfli dəf edə bilməyən, habelə sol cinahımızda irəliləyişin baş vermədiyini əsas səbəb gətirərək mühasirə ehtimalını önə çəkən komandanlıq  Kəlbəcəri tərk etmək qərarına üstünlük verdi. Heyf, çox heyf çəkdiyimiz o ağrı-acıya,  o fərqli uğurlarımıza!...   

       Müzəffər ordumuzun hünəri sayəsində bu gün Kəlbəcərimiz öz əlimizdədir. Daşnak qədirbilməzliyindən qan ağlayan hər qaya daşımız da ondan üz döndərdi. Ruzigarımız səhvən onlara yön alsa da, erməni erməniliyini etdi və bizim ədalətli hökmümüzlə rədd oldu. Axı, doğma sahibliyin dəyəri ilahi dəyərdir. Çox çəkməz ki, erməni vandallarının törətdiyi mədəni və ekoloji terrorun nəticələri aradan qaldırılar, möhtəşəm təbiəti ilə daha yüksək vüqarlı Kəlbəcərimiz yeni biçimdə meydana gələr.

      Gözün aydın olsun, doğma Kəlbəcər! Düşmən sənin qoynunda yalnız qaratikan əkirdi, biz səni qızıl güllərə qərq edəcəyik!...

                                                                                                                                                                                                                                             İbrahim MƏSİMOĞLU            

                müharibə veteranı, ehtiyatda olan polkovnik-leytenant