AZƏRBAYCAN ZABİTİ

                  

Ulu   babam  Babəkin   ocağından  od  alır,

Şanlı  soy-kökümüzü  iftixarla   yaşadır,

Bizə   kəm   baxanların   gözlərinə  ağ   salır,

Ölkəmin    inam   dağı – Azərbaycan   zabiti!

O,   topçu  Şıxlinskinin  dirilən   bir  arzusu,

Xalqın  elit   övladı,  tükənməz  bir  ruzusu,

Əhdində  möhkəm   olan  əbədi  bir  namusu,

Ölkəmin    inam   dağı – Azərbaycan   zabiti!                

Möhtaca   yer  qoymadı,  gücləndi  qəlb  təpərim,

Tarixi   uğurlardan   çoxaldı  al  səhərim,

O,   ərsəyə   gələndən   söküldü  qəm-kədərim,

 Ölkəmin    inam   dağı – Azərbaycan   zabiti!

Siz  Heydər   liseyində  dünyaya   göz   açdınız,

Öndərin   zəkasında   günəş   kimi  saçdınız,

Qarabağ   savaşında  düşmənə  od   yaxdınız,

Ölkəmin    inam   dağı – Azərbaycan   zabiti!

Niyyəti  qəhrəmanlıq,   dəyişməz  heç   ünvanı,

Onunla   ayaq   açdı  uzun   zəfər   karvanı,

Hünəriylə   bəzəyir   anam   Azərbaycanı, 

Ölkəmin    inam   dağı – Azərbaycan   zabiti!

Güclü   zabit   dayağı   ölməz   qüdrət   deməkdir,

Sadiq   ordu  varlığı  enməz   dövlət   deməkdir,

Zəngin  hərbi   ehtiyat   sönməz  taqət   deməkdir

Ölkəmin    inam   dağı – Azərbaycan   zabiti!

                       İbrahim   MƏSİMOĞLU