HAQQ SƏSLİ HƏKİM

 

                     

Mənə şəfa verən tibb xidməti polkovniki Aftandil Namazova ithaf edirəm

 

Əzəli  türk  torpağı  Vedinin  mərd  oğludur,

Hərb  içində  doğulmuş  millətin  ər  qoludur,

Yeganə  həyat  yolu  ulu  Qorqud  yoludur,

Yanan  qəlbi  söndürən   hərb  həkimi  Aftandil !

 

Hər  şəfa  tapan əsgər onun bir qan qardaşı,

İnam  dolu sözündən  əriyər  böyrək  daşı,

Yurda  can  verənlərin ən  yaxın  bir  sirdaşı,

Ümidlərə  nəfəs  verən  hərb  həkimi  Aftandil !

 

Qorxusuzluq  kök  atıb  onun  baba  genində,

Səbri  qısa  olsa da  hünəri dünya  enində,

Biliyi  çox  hüdudsuz,  eşqi  yurd  ürəyində,

Əlacsıza  əlac  edən  hərb həkimi Aftandil !

 

Haqq  dadına tez  çatar,  haqsıza  heç  əyilməz,

Qərəzli  güllələrə  tuş  gəlsə də  gömülməz,

Dili  könül  dilmancı,  kəm  ağıla  yenilməz,

Sözünü  üzə  deyən  hərb həkimi  Aftandil !

 

Parlaq  zabit  vüqarı  ruhumuzun  qidası,

Şərəfli   oğulların   tükənərmi  vəfası ?!

De görüm,  çin  çıxarmı  xainlərin   röyası ?!

Daşnak  qəlbini  sökən  hərb həkimi Aftandil !

 

Bəzən  susur içində  fikrinə düyün  düşür,

Elin  qara  günləri  göz  önündə  ötüşür,

Qarabağ  harayında  dığalarla   söyüşür,

Öz  xalqına  güvənən  hərb həkimi Aftandil !

 

 

                                        İBRAHİM  MƏSİMOĞLU

                                           Hərbi  yazıçı-jurnalist