MƏNƏVİ ŞÜCAƏTİ FİZİKİ ŞÜCAƏT KAMİLLƏŞDİRƏR

 

                    


      Hər hansı bir ölkədə doğulmaq kimdən ötrü həqiqi mənada tam doğmalıq sayıla bilər?! Çox düşündürücü sualdır. Doğmalıq prinsipinə əsasən doğum yurdunda gərək ləyaqətli ömür sürəsən və əsl vətən sevgisi qazanasan. Bu, çox mühüm bir məsələdir. Unutmaq olmaz ki, vətən sevgisi üçün ən dəyərli tələb mənsub olduğun ölkənin doğma övladı olmaqdır. Eşq olsun əsl doğmalığa!...

       Doğmalıq kontekstində sönməz əsgər vüqarının ən mühüm şərtlərindən biri qalib zirvəsinə sahib olmaqdır. Qucaqladığım bu mərd igidlər öz idman zəfəri ilə o sahibliyi əldə etmiş Mərkəzi Ordu İdman Klubunun qeyrətli idmançı əsgərləridir. Biri Əliabbas Rzazadə, biri də Orxan Abbasovdur.

     Haqqında qısa söz açmaq istədiyim klubun cəsur yetirmələri kimi onlar növbəti uğuru Şimali Makedoniyanın paytaxtı Skopyedə 23 yaşadək güləşçilər arasında keçirilən Avropa çempionatında qazanmışlar. 36 ölkədən 425 idmançının iştirak etdiyi qitə birinciliyində Azərbaycan güləşçiləri uğurlu mübarizə apararaq 9 medal qazanmışlar. Komandanın tərkibində müzəffər ordumuzun qalib əsgəri kimi yarışlara qatılan Mərkəzi Ordu İdman Klubunun iki idmançısı Əliabbas Rzazadə və Orxan Abbasov çempionatı gümüş medalla başa vurmuşlar. Doğrudan da, mənəvi şücaəti fiziki şücaət kamilləşdirər. Müdafiə Nazirliyinin Mərkəzi Ordu İdman Klubunda, necə deyərlər, mayalanan fiziki şücaət mühüm zəfər açarı kimi daim vurğulanmaqdadır. Bu həqiqəti artıq bütün dünya bilir.

       Biz həyatımızda özümüzü çox sınamışıq. Gücümüz də var, təpərimiz də. Yaxşı bilirik ki, əməli surətdə qazanılan vüqar hissləri insan boynunu mərdanə ucaldır, caxta şöhrətpərəstlik mövqeyindən doğan hisslər isə, əgər belə demək mümkündürsə, insan boynunu yalnız üfürüb şişirdir. Həmişə mənfi mənəvi təzahürlərdən uzaq durmağa can atırıq.

     Əsl vüqarlı ömür sürmək daim başucalığı bəxş edir. Güc-qüdrət bizdən, zəfər Allahdandır. İnşallah, bütün bəlalardan sıyrılarıq. Halal güzəranımızı, axan alın tərimizi Allah qarşılıqsız buraxmaz. Ömrümüz daim bərəkət versin. Ədalətli Qarabağ savaşımızla adımız daşlara qızıl xətlə yazıldı, igidlik möhürümüz ulu tarixə vuruldu.

       Daim var olasınız igid oğullarımız!

                                         İbrahim MƏSİMOĞLU

                       müharibə veteranı, ehtiyatda olan polkovnik-leytenant

Комментарии

Отправить комментарий

Популярные сообщения из этого блога

“SÖZ VAR EL İÇİNDƏ, SÖZ VAR EV İÇİNDƏ...”

Изображение
      Müharibə əlili, ehtiyatda olan polkovnik-leytenant İntiqam Bahəddin oğlu Mirzəyev ömrünün 56-cı baharını qarşılamaqdadır. Peşəkar hərbçidir. Lvov Ali Hərbi Siyasi Məktəbini bitirib. İlk xidmət yeri Qazaxıstanın Ayaquz qarnizonunda olub. Sonra Almaniyada sovet qoşunları tərkibində nümunəvi xidmət göstərib. Bir neçə ildən sonra Zaqafqaziya Hərbi Dairəsində qarnizonlardan birinə təyinat alıb. Doğma ordumuzda ilk addımı “Xalq Ordusu” redaksiyasında atıb. Həmin ağır illərdə tale elə gətirdi ki, İntiqam öz ruhuna uyğun bir vəzifəyə - döyüşkən briqada komandirinin müavini vəzifəsinə təyin edildi. Hərbi əməliyyatlarda çox savadlı, fədakar və cəsur təbiətli bir zabit kimi daim öncüllük edib. Mahiyyət etibarı ilə tutduğu vəzifələr hərbi tərbiyəçi funksiyası ilə bağlı olsa da, onu ordu daxilində “döyüşən komissar” deyə çağırırdılar. İntiqam ana yurdumuzu sevən və sevdirən bir mərd oğuldur.             ...
Daha çox.

DÖYÜŞÇÜ HAQQINDA SÖZ

Изображение
Yarandığı gündən üzü bəri yorğanı od-alov, çarpayısı səngər olan ordumuzun inkişaf mərhələləri anbaan izlənir, lakin yaranmış keyfiyyət dəyişiklikləri ayrı-ayrı fikir adamlarının görmə bucağından birmənalı qiymətləndirilmir. Əfsus ki, qərəzli gözlər ağı ağ, qaranı da qara kimi görmürlər. Söylədiyi sözün məntiqini öz xeyrinə yozanlar deyirlər ki, əsl döyüşçü “könüllülər” vaxtı olub, indi də az-maz vuruş təcrübəsi toplayanları tərxis edib yerinə təcrübəsiz “körpələri” qoyurlar. Aprel ayında Qazax bölgəsində olan döyüşlər bir daha bunun əksini və əsgərlərimizin döyüş səviyyəsinin yüksək olmasını sübut etdi. Bu sözlər öncə gənc əsgərlərin xətrinə dəyir. Sonrası, anlamaq lazımdır ki, Vətən müharibəsində “könüllü” titulu şərti mənada işlədilir. Azğın düşmənə qarşı ölüm-dirim vuruşuna çıxan əsgəri “çeşidləmək” hansı mənəvi ölçüyə sığar?! “Könüllü” kəlməsi öz mənasını hərbi komissarlığın çağırış vərəqinin təqdim edildiyi vaxta qədər saxlayır. Vətən oğlu əsgər libasını geyib hərbi andın...
Daha çox.

“MƏN SÖZÜMÜN AĞASIYAM!”

Изображение
Gülzar xala “bismillah”la oturub-duran əsl azərbaycanlı qadını kimi rəğbətlənirdi. Pislik etməklə, haram tikə kəsməklə qəti arası yox idi. 8 oğul, 3 qız ərsəyə gətirən bu qəhrəman ananın ürəyi müharibə başlandığı gündən etibarən iki yerə bölünmüşdü. Dağ şəlaləsitək şəffaf ürəyinin bir parası torpağımız uğrunda qanlı vuruşmalarda şücaət göstərən, sayılıb seçilən oğullarının yanında idi. Sonbeşiyi Mövlanın hansı bölgədə döyüşməsindən çoxdandır ki, xəbər tuta bilmirdi. Etibar adlı ciyərparası isə öz öyündürücü igid əməlləri ilə onu həm sevindirir, həm də yaman ağladırdı. Televizorda Etibara “Azərbaycan Bayrağı” ordeni verilməsi barədə elanı eşidəndə həm sevinmiş, həm də ürəyinə min cür fikir gəlmişdi. Qohum-əqrəba, dost-tanış təsəlli, ürək-dirək versə də, Gülzar xalanı müdam qara fikirlər basırdı. Ana intizarının, oğul həsrətinin gərginləşdiyi ərəfədə Etibarın iş yerindən, Neftçala balıq emalı kombinatından direktor İlyas müəllim başda olmaqla bir neçə əməkdaş əsgər ailəsinə xeyr...
Daha çox.